دليل بالعربية لمنح Erasmus

الدليل الشامل لبرنامج إيراسموس+ للمتقدمين من المغرب

ملاحظة هامة: هذه الوثيقة هي مجهود شخصي وغير رسمية. الهدف منها هو تجميع المعلومات من مصادر مختلفة وتبسيطها باش تسهال عليكم القراية والفهم. للحصول على أي معلومة رسمية ومؤكدة، ضروري ترجعوا للمصادر الرسمية المذكورة فهاد الدليل.

الجزء 1: شنو هو إيراسموس+؟ نظرة عامة

إيراسموس+ هو البرنامج الرئيسي ديال الإتحاد الأوروبي لتمويل التعليم، التكوين، الشباب، والرياضة. البرنامج ماشي محدود غير للدول ديال الإتحاد الأوروبي، بل مفتوح لدول العالم كامل. كيقدم هاد البرنامج دعم مالي وتنظيمي شامل للتنقل بهدف التعلم، التعاون الدولي، ومبادرات تطوير الشباب.

---

الجزء 2: اكتشف الفرصة ديالك فإيراسموس+

هاد القسم كيغطي البرامج الخمسة الرئيسية المتاحة للمشاركين الأفراد.

الفرصة 1: التنقل قصير الأمد (ICM – International Credit Mobility)

التعريف: هي فترة ديال القراية كتمتد من شهرين حتى لـ 12 شهر فشي جامعة أو منظمة أوروبية شريكة.

شكون يقدر يدفع:

• الطلبة اللي مسجلين فالجامعات المغربية اللي عندها شراكات إيراسموس+ مع مؤسسات أوروبية.
• جميع المستويات: طلبة الإجازة (الباكلوريوس)، طلبة الماستر، وطلبة الدكتوراه.
• طلبة مدارس الهندسة ومدارس التجارة.
• المتعلمون الكبار في إطار التعليم المستمر.

المدة: من شهرين إلى 12 شهر (عادة فصل دراسي واحد أو فصلين).

التكاليف اللي كيغطيها البرنامج:

• مصاريف الدراسة كاملة فالمؤسسة المضيفة.
• مصاريف السفر (تذكرة الطائرة، الفيزا، النقل).
• السكن (الإقامة).
• مصاريف المعيشة (منحة شهرية).
• التأمين (Assurance).

كيفاش تدفع:

1. تأكد واش الجامعة ديالك فالمغرب عندها شراكة إيراسموس+ مع مؤسسات أوروبية.
2. تواصل مع مكتب العلاقات الدولية فالجامعة ديالك أو شوف الموقع الإلكتروني ديال الجامعة.
3. وجد الوثائق المطلوبة (شوف القسم الخاص بالوثائق المطلوبة).
4. قدم الطلب ديالك عبر القنوات اللي محددة من طرف الجامعة ديالك.
5. تسنى الاختيار والتأكيد من الجامعة الأصلية ديالك.

نقطة مهمة: الطلبات كيتم التعامل معاها عن طريق الجامعات المغربية بشكل فردي، ماشي مباشرة مع المفوضية الأوروبية. الجامعة ديالك هي المسؤولة على اختيار وإرسال المرشحين.

الفرصة 2: ماستر إيراسموس موندوس المشترك (EMJM)

التعريف: برامج ماستر كاملة كاتقرا على الأقل فثلاثة ديال الجامعات أوروبية فجوج بلدان أوروبية مختلفة على الأقل. فاش كتسالي، كتاخد ديبلوم مشترك، مزدوج، أو متعدد معترف به فكاع المؤسسات المشاركة.

شكون يقدر يدفع:

• أي واحد عندو شهادة الإجازة (أو مؤهل معادل في التعليم العالي).
• ما كاينش تحديد للسن.
• المواطنون المغاربة والمقيمون من جميع الخلفيات.

المدة: برامج لمدة عامين بدوام كامل.

التخصصات الأكاديمية المتاحة: تقدر تلقى جميع التخصصات.

التكاليف اللي كيغطيها البرنامج:

• مصاريف الدراسة كاملة فجميع الجامعات.
• مصاريف السفر.
• مصاريف السكن والمعيشة.
• ما مفروضش عليك ترجع لبلادك من بعد التخرج.

الدعم المالي: منح إيراسموس موندوس فيها تنافسية كبيرة وكتغطي 100% من التكاليف.

الجدول الزمني للتقديم: التقديم كيبدا عادة ما بين شهر شتنبر ويناير، والآجال كتختلف على حساب كل برنامج. أغلب البرامج كتبع هاد الجدول:

• شتنبر – أكتوبر: كتبدا فترة التقديم.
• نونبر – دجنبر: فترة الآجال الرئيسية للتقديم.
• يناير: آخر أجل لبعض البرامج.
• مارس – أبريل: فترة الاختيار والإعلان عن النتائج.
• شتنبر: كيبدا البرنامج.

كيفاش تدفع:

1. زور الكتالوج ديال الماستر EACEA على هاد الرابط: https://www.eacea.ec.europa.eu/scholarships/erasmus-mundus-catalogue_en
2. قلب على البرامج المتاحة وشوف اللي كيتناسب مع الاهتمامات والمؤهلات ديالك.
3. زور المواقع الإلكترونية ديال كل برنامج باش تعرف الشروط الخاصة به.
4. وجد وثائق التقديم (شوف قسم الوثائق المطلوبة).
5. قدّم الطلبات ديالك مباشرة للبرامج (تقدر تدفع لأكثر من برنامج واحد).
6. تابع حالة الطلب ديالك من خلال البوابات الخاصة بكل برنامج.

معايير الاختيار: البرامج كتقيم:

• السجل الأكاديمي والنقط.
• الكفاءة فاللغة الإنجليزية (مستوى B1 على الأقل).
• رسائل التحفيز (Motivation letters) اللي كتبين أهداف مهنية واضحة.
• رسائل التوصية (Letters of recommendation) (عادة 2-3).
• سيرة ذاتية (CV) كتبين الخبرة ذات الصلة.

الفرصة 3: فيلق التضامن الأوروبي (ESC) – التطوع

التعريف: عمل تطوعي فمشاريع اجتماعية الهدف منها مساعدة المجتمعات والأفراد في جميع أنحاء أوروبا. المشاركون كيساهمو فمبادرات اجتماعية هادفة وفي نفس الوقت كيطورو مهاراتهم المهنية.

شكون يقدر يدفع:

• الشباب اللي عمرهم ما بين 18 و 30 عام.
• خاص تكون عندك تجربة سابقة فالتطوع (كتبينها من خلال تاريخ العمل التطوعي ديالك أو شهادات رسمية).
• أفراد متحمسين وعندهم التزام بالقضايا الاجتماعية.
• المواطنون والمقيمون المغاربة.

أنواع المشاريع:

• مشاريع التنمية الاجتماعية.
• مبادرات مساعدة المجتمع.
• أعمال الحفاظ على البيئة.
• برامج تنمية الشباب.
• أنشطة الدعم التعليمي.
• مبادرات الرعاية الصحية والاجتماعية.
• وغيرها الكثير…

المدة: متغيرة، عادة ما بين عدة أشهر إلى سنوات.

التكاليف اللي كيغطيها البرنامج:

• مصاريف السفر (تذاكر الطيران، الفيزا، النقل المحلي).
• السكن (عادة كتوفرها المنظمة المضيفة).
• بدل المعيشة (منحة شهرية).
• التأمين (تغطية صحية وضد الحوادث).
• تكاليف التدريب والإعداد.

كيفاش تدفع:

1. صاوب بروفايل في بوابة الشباب الأوروبية: https://youth.europa.eu/solidarity/
2. عمر البروفايل الشخصي ديالك بالسيرة الذاتية (CV) ورسالة التحفيز.
3. قلب على فرص التطوع المتاحة فقاعدة بيانات ESC.
4. دفع مباشرة للفرص اللي كتناسب الاهتمامات ديالك.
5. يلا تم الاختيار ديالك، ممكن يتواصلو معاك المنظمات المضيفة أو وكالات التوظيف.

الفرصة 4: تبادلات الشباب والدورات التدريبية

التعريف: برامج تبادل ثقافي قصيرة ودورات تدريبية كتجمع الشباب من بلدان مختلفة للتعلم التعاوني، وتطوير المهارات، والحوار بين الثقافات.

شكون يقدر يدفع:

• الشباب اللي عمرهم ما بين 13 و 30 عام.
• ماشي ديما ضروري تكون عندك مشاركة سابقة فالأنشطة الشبابية.
• المشاركة كتكون فإطار مجموعة (ماشي طلبات فردية فمعظم الحالات).

أنواع البرامج:

• تبادلات الشباب: لقاءات منظمة بين مجموعات شباب من بلدان مختلفة.
• دورات تدريبية: ورشات عمل للتطوير المهني وبناء المهارات.
• ندوات وزيارات دراسية.
• أنشطة مشاركة الشباب.

المدة: عادة من أسبوع إلى 3 أسابيع، على حساب نوع النشاط.

التكاليف اللي كيغطيها البرنامج:

• مصاريف السفر.
• السكن.
• الوجبات.
• مواد التدريب.
• الأنشطة والرحلات.
• تغطية 100% من التكاليف المباشرة.

كيفاش تشارك:

1. تابع المنظمات الشبابية المغربية والأوروبية المعتمدة على منصات التواصل الاجتماعي (انستغرام، فيسبوك، إلخ)، هنا تقدر تلقى المنظمات: https://youth.europa.eu/volunteering/organisations_en?country=MA
2. راقب موقع SALTO Youth Resources على الرابط: https://www.salto-youth.net/tools/european-training-calendar/browse/
3. شوف بوابة الشباب الأوروبية باش تعرف الفرص الحالية: https://youth.europa.eu
4. شارك فعمليات التقديم الجماعية اللي كتنظمها منظمة شبابية.

الفرصة 5: التبادل الافتراضي لإيراسموس+

التعريف: تجارب دولية عبر الإنترنت كتوفر تفاعل منظم مع النظراء من بلدان أخرى من خلال منصات رقمية. المشاركون كينخرطو فأنشطة افتراضية، دورات تدريبية، ومناقشات بلا ما يحتاجو يسافرو.

شكون يقدر يدفع:

• الشباب اللي عمرهم ما بين 18 و 30 عام.
• ما مطلوباش خبرة سابقة.
• يمكن الوصول إليها من أي مكان فيه انترنت.
• مناسبة بشكل خاص للأفراد اللي ما قادرينش يسافرو لأسباب مالية، صحية، أو لوجستية.

الشكل والمدة: عادة من أسبوع إلى 3 أسابيع ديال المشاركة عبر الإنترنت، منظمة على شكل جلسات يومية أو أنشطة غير متزامنة.

اللغات المدعومة: العربية، الفرنسية، الإنجليزية (وهذا كيسمح بالمشاركة بلا ما تكون اللغة عائق كبير).

محتوى البرنامج:

• مناقشات مباشرة عبر الإنترنت مع نظراء دوليين.
• ورشات تدريبية كتقدم بشكل افتراضي.
• عمل على مشاريع تعاونية.
• أنشطة تبادل ثقافي.
• وحدات لبناء المهارات.

التكلفة: مجانية تماما (ما كاينش مصاريف سفر).

كيفاش تدفع:

1. صاوب حساب فبوابة الشباب الأوروبية: https://youth.europa.eu/
2. سير لقسم التبادل الافتراضي لإيراسموس+: https://youth.europa.eu/erasmusvirtual_en
3. قلب على برامج التبادل الافتراضية الحالية والقادمة.
4. عمر استمارة التقديم وقدمها.
5. تسنى تأكيد المشاركة.

المزايا:

• ما كتحتاجش تسافر أو تاخد فيزا.
• توقيت مرن بالنسبة للمشاركين اللي خدامين.
• متاحة للأفراد اللي عندهم قيود على التنقل.
• كتقلل من التأثير على البيئة.
• نفس جودة التجربة الدولية ديال التنقل الفعلي.

---

الجزء 3: فهم التفاصيل الأساسية

هاد القسم كيغطي المصطلحات الأساسية والمعلومات المالية.

القسم 1: مصطلحات أساسية

فهم الهيكل التنظيمي والمصطلحات الرئيسية ضروري باش تتعامل مع إيراسموس+ بفعالية.

المنظمة المرسِلة (Sending Organization): هي المنظمة المسؤولة على اختيار وإعداد المشاركين قبل ما يمشيو لفترة التنقل ديالهم. على سبيل المثال، الجامعة ديالك (لتبادل الطلاب)، أو المشغل ديالك (لتدريب الموظفين)، أو منظمة غير حكومية معتمدة (لبرامج التطوع والتبادل والتدريب).

المنظمة المستقبِلة/المضيفة (Receiving/Host Organization): هي المنظمة اللي فالبلد المقصود اللي كتستقبل وكتستضيف المشاركين خلال فترة التنقل ديالهم. على سبيل المثال، قسم فجامعة أوروبية، شركة، منظمة اجتماعية، أو مدرسة.

القسم 2:الدعم المالي

إيراسموس+ هو برنامج ممول بالكامل لجميع الأنشطة المدعومة. هذا كيعني:

شنو اللي كيتغطى:

• رسوم الدراسة والتسجيل فالمؤسسات المضيفة.
• تكاليف السفر (تذاكر الطيران، رسوم الفيزا، النقل المحلي).
• مصاريف السكن (فأغلب الحالات).
• منحة معيشة شهرية.
• تأمين صحي وضد الحوادث.
• تكاليف التدريب قبل المغادرة.
• مساهمة فأنشطة التحضير والمتابعة.

شنو اللي ما كيتغطاش:

• التكاليف اللي تصرفات قبل تاريخ البداية الرسمي (إلا يلا توافق عليها مسبقا).
• الرحلات الجانبية غير المصرح بها أو المصاريف الشخصية.
• اختبارات اللغة لطلبات الفيزا (مسؤولية المتقدم).
• التكاليف اللي كتفوق الميزانية المعتمدة.

تفاصيل الدفع:

• جميع المدفوعات كتكون عن طريق التحويل البنكي فقط (ما كاينش شيكات أو كاش).
• ضروري يكون عندك IBAN (رقم الحساب البنكي الدولي).
• بعض المؤسسات ما كتحولش الفلوس لحسابات بنكية غير محلية، ممكن الطلاب يحتاجو يفتحو حساب فالبلد المقصود.
• مواعيد الدفع كتختلف (عادة ما بين 4 و 8 أسابيع بعد تقديم الوثائق).

---

الجزء 4: دليلك خطوة بخطوة للتقديم

هاد القسم كيفصل جميع الوثائق المطلوبة وخطوات التحضير.

القسم 1: الوثائق العامة المطلوبة

هاد الوثائق مطلوبة فتقريبا جميع طلبات إيراسموس+: ولكن، كل برنامج عندو قائمة وثائق مختلفة، بعضها كيطلب وثائق أقل، والبعض الآخر كيطلب أكثر. على سبيل المثال، تبادلات الشباب نادرا ما كتطلب إثبات اللغة الإنجليزية، بينما برامج الماستر عادة ما كتطلبها. قبل ما تقدم الطلب ديالك، ديما تحقق من الصفحة ديال البرنامج أو الإعلان المحدد باش تعرف قائمة الوثائق بالضبط. ما تحطش وثائق ما مطلوباش، وعمرك تقدم معلومات خاطئة أو مضللة.

الوصف: هو نموذج سيرة ذاتية أوروبي موحد كيضمن أن جميع الطلبات تكون متناسقة.

متطلبات الشكل:

• من الأفضل تكون صفحة واحدة (صفحتان كحد أقصى).
• بنية واضحة وتنسيق متناسق.
• تاريخ العمل والدراسة مرتب زمنيا.
• تقييم ذاتي للكفاءة اللغوية.
• كفاءات محددة ذات صلة بالبرنامج.

فين تصاوبو: https://europass.europa.eu/en/create-europass-cv

أقسام المحتوى:

• المعلومات الشخصية.
• المهنة/المنصب الحالي.
• الخبرة المهنية (بترتيب زمني، من الأحدث للأقدم).
• التعليم والتكوين.
• الكفاءة اللغوية (مع مستويات CEFR: A1, A2, B1, B2, C1, C2).
• الكفاءات الرقمية.
• معلومات إضافية (منشورات، شهادات، خبرة تطوعية).

الغرض: كتبين الاهتمام الحقيقي بالبرنامج وكتشرح الأهداف الشخصية والمهنية ديالك.

الطول: 500-750 كلمة (كيختلف حسب البرنامج، عادة صفحة A4 واحدة).

العناصر الرئيسية فالمحتوى:

• علاش نتا مهتم بهاد البرنامج أو الوجهة المحددة.
• كيفاش هاد التجربة كتتماشى مع أهدافك المهنية.
• شنو كتأمل تحقق وتتعلم.
• علاش نتا مرشح قوي.
• فهمك لقيم إيراسموس+ (الإدماج، الابتكار، المواطنة الأوروبية).
• النتائج المحددة اللي كتقلب عليها.

الأسلوب: مهني ولكن شخصي، رسمي ولكن ماشي جامد بزاف.

اللغة: الإنجليزية أو الفرنسية (تأكد من متطلبات البرنامج).

بالنسبة للطلبة المتقدمين:

• كشوف النقط الرسمية من التعليم السابق (الإجازة للمتقدمين للماستر، إلخ).
• خاص تكون مترجمة للإنجليزية (اللغة الأصلية زائد ترجمة معتمدة للإنجليزية).
• خاص تبين بوضوح:

• المواد اللي قريتي.
• النقط اللي حصلتي عليها.
• المعدل التراكمي.
• عدد الساعات المعتمدة (Credits).
• الشهادة المحصل عليها.

متطلبات التصديق: معظم البرامج كتطلب:

• ختم وتوقيع رسمي من الجامعة.
• شهادة المترجم للوثائق اللي ماشي بالإنجليزية.
• تكون صادرة حديثا (عادة في غضون 1-3 أشهر من التقديم).

المستوى الأدنى المطلوب: B1 (فوق المتوسط) فاللغة الإنجليزية لمعظم البرامج.

الشهادات المقبولة:

• TOEFL – Test of English as a Foreign Language:

• عبر الإنترنت: 87 كحد أدنى.
• ورقي: 220 كحد أدنى.
• IELTS – International English Language Testing System:

• معدل 6.0 كحد أدنى.
• من الأفضل النسخة الأكاديمية.
• Cambridge Certificate:
• FCE – First Certificate in English أو أعلى.
• دراسة سابقة باللغة الإنجليزية:

• شهادة إجازة أو ماستر كملتيها باللغة الإنجليزية.
• يمكن أن تعوض نتائج الاختبار الرسمي.

ملاحظة مهمة: بعض البرامج كتقبل التقييم الذاتي أو ممكن تعفي المتقدمين اللي عندهم خلفية تعليمية قوية باللغة الإنجليزية.

العدد المطلوب: عادة 2-3 رسائل.

المصدر: مكتوبة من طرف:

• أساتذة جامعيين (للبرامج الأكاديمية).
• أرباب عمل أو مشرفين (للبرامج المهنية).
• منسقين ديال برامج سابقة (لبرامج التطوع/الشباب).
• أشخاص قادرين يهضرو على القدرات ديالك الأكاديمية أو المهنية.

المحتوى: خاص الناس اللي كيكتبو التوصية يهدرو على:

• مدة وطبيعة علاقتهم بالمتقدم.
• الكفاءات ونقاط القوة المحددة.
• مستوى الأداء الأكاديمي/المهني.
• مدى ملاءمة المتقدم لبرنامج إيراسموس+.
• الموثوقية وأخلاقيات العمل.

اعتبارات: اختار الناس اللي كيعرفوك مزيان وقادرين يقدمو تعليقات جوهرية ومحددة.

القسم 2: الوثائق الخاصة بكل برنامج

بالنسبة لماستر إيراسموس موندوس المشترك

• ديبلوم شهادة الإجازة (نسخة رسمية زائد ترجمة للإنجليزية).
• نتائج اختبار اللغة (TOEFL/IELTS/Cambridge – شوف الفوق).
• كشوف النقط مترجمة للإنجليزية.
• ممكن يطلبو: مقترح بحث أو بيان اهتمامات أكاديمية (2-3 صفحات).
• بيان الغرض (Statement of purpose) كيتناول تخصص البرنامج.

بالنسبة لبرامج التنقل قصير الأمد

• استمارة طلب معبأة مسبقًا كتوفرها المؤسسة الأصلية.
• اتفاقية التعلم (Learning Agreement) (إذا تم اختيارك).
• إثبات التسجيل فالجامعة.

بالنسبة لبرامج فيلق التضامن الأوروبي

• إثبات خبرة التطوع (شهادات، رسائل توصية من منسقي التطوع).
• وثائق التأمين الصحي (كيتم ترتيبها).
• استمارة طلب التطوع ESC معبأة.
• تصريح بالسجل العدلي (كيختلف حسب البلد).

بالنسبة لتبادلات الشباب والدورات التدريبية

• استمارة طلب كتقدمها المنظمة الشبابية.
• رسالة تحفيز (أقصر، 200-300 كلمة).
• نسخة من جواز السفر / بطاقة التعريف.
• موافقة الوالدين (للمتقدمين اللي قل من 18 عام).

القسم 3: خطوات عملية لإعداد الوثائق

مرحلة التخطيط المبكر:

1. صاوب أو حدث السيرة الذاتية Europass.
2. طلب كشوف النقط من المؤسسات التعليمية.
3. حدد وتواصل مع الناس اللي ممكن يكتبو ليك توصيات.
4. بدا البحث على البرامج المستهدفة.
5. قيم مستوى إتقانك للغة الإنجليزية.
6. إذا كان ضروري، تسجل فامتحان TOEFL/IELTS.

مرحلة الإعداد الوسطى:

1. دوز اختبار إتقان اللغة إذا كان مطلوب (TOEFL/IELTS).
2. حصل على ترجمات إنجليزية رسمية لكشوف النقط.
3. طلب رسائل التوصية.
4. كتب مسودات رسائل التحفيز (صاوب نسخ مختلفة لبرامج مختلفة).
5. حدد البرامج اللي كتناسب اهتماماتك.

مرحلة إعداد الوثائق النهائية:

1. المراجعة النهائية وتحسين جميع الوثائق.
2. تأكد أن جميع الناس اللي طلبني منهم توصية قدموها.
3. تحقق من أن ترجمات الوثائق مصادق عليها.
4. خلي مرشدين أو مستشارين يراجعو ليك الوثائق.
5. نظم الملفات الرقمية بوضوح.
6. جرب عملية التحميل على بوابات التقديم.

مرحلة التقديم:

1. جمع ملف الطلب الكامل.
2. عاود تحقق من جميع المتطلبات.
3. قدم مسودة الطلب بكري باش تكتشف أي مشاكل.
4. خلي وقت للتصحيحات أو إعادة التقديم.

القسم 4: صيغة الوثائق ومعايير التقديم

متطلبات صيغة الملف:

• من الأفضل PDF لجميع الوثائق.
• حجم الملف كيكون محدود عادة بين 5-10 ميغابايت لكل وثيقة.
• سكان واضح ومقروء للوثائق المادية (دقة 300 DPI على الأقل).
• أسماء الملفات خاص تكون وصفية (مثلا “FirstName_LastName_CV.pdf”).

اللغة والترجمة:

• جميع الوثائق خاص تكون بالإنجليزية أو الفرنسية (حسب البرنامج).
• النسخ الأصلية اللي ماشي بالإنجليزية خاص تكون معاها ترجمة إنجليزية معتمدة.
• المترجم خاص يكون معتمد رسميا (ماشي أصدقاء شخصيين).

التحقق من الاكتمال:
قبل ما تقدم، تحقق من:

• أن جميع الوثائق المطلوبة موجودة.
• ما كاينش خانات فارغة أو أقسام معلمة بـ “N/A”.
• معلومات الاتصال حديثة.
• التواريخ متطابقة فجميع الوثائق.
• الوثائق مقروءة ومنسقة بشكل صحيح.

---

القسم 5: كيفاش تلقى الدعم والمصادر فالمغرب

استخدم هاد المصادر الرسمية باش تلقى منظمات معتمدة وتحصل على المساعدة.

القسم 1: المنظمات المغربية المعتمدة

المنظمات المعتمدة هي هيئات مغربية معترف بها رسميا من طرف سلطات إيراسموس+ باش:

• تخدم كمنظمات مرسلة للمتطوعين فبرامج ESC.
• تنسق وتنفذ أنشطة تبادل الشباب.
• تدعم المشاركين فمختلف إجراءات إيراسموس+.
• تدير الجوانب الوطنية للمشاريع.
• تضمن معايير الجودة فتطبيق البرامج.

هاد المنظمات كتشكل جسر التواصل بين المشاركين المغاربة والفرص الأوروبية.

المصادر الرسمية

1. دليل منظمات بوابة الشباب الأوروبية: https://youth.europa.eu/volunteering/organisations_en?country=MA

• قاعدة بيانات قابلة للبحث ديال المنظمات المعتمدة.
• فيها معلومات الاتصال ومجالات التركيز.
• يتم تحديثها بانتظام.

2. شبكة SALTO Youth: https://www.salto-youth.net

• شبكة موارد مهنية للمنظمات الشبابية.
• فيها دليل للمنظمات الشريكة.
• مواد تدريبية ودعم.

التواصل مع المنظمات

قلب على:

• الموقع الإلكتروني.
• عناوين البريد الإلكتروني.
• التواجد على وسائل التواصل الاجتماعي (انستغرام، فيسبوك).
• أرقام هواتف الاتصال.
• المكاتب الفعلية.

تواصل مع عدة منظمات باش تزيد من فرصك. تواصل مع 2-3 منظمات عبر الإيميل، الهاتف، أو وسائل التواصل الاجتماعي وسولهم مباشرة: (1) واش يقدرو يكونو منظمتك المرسِلة لفرصة إيراسموس+ اللي نتا مهتم بيها، (2) على رقم OID ديالهم (رقم تعريف المنظمة) باش تتأكد من الاعتماد ديالهم، و (3) على تأكيد كتابي باستعدادهم لدعم طلبك. وجود جهات اتصال احتياطية كيضمن ليك خيارات يلا شي منظمة ما قدراتش تعاونك.

القسم 2: موارد رئيسية

• المكتب الوطني لإيراسموس+ المغرب: المصدر ديالك الرئيسي للمعلومات الرسمية فالمغرب. زور الموقع الإلكتروني ديالهم: https://erasmusplus.ma/ 
• دليل إيراسموس+ المغرب 2024: دليل مفصل فيه نصائح ومعلومات إضافية. شوفو من هنا:https://drive.google.com/file/d/1WWD-XDMVMVu8jFwm2pD3S0jA7nCMnHEs/view?usp=sharing